LA UNION – Inarestar dagiti otoridad iti maysa a 19-anyos a baro kalpasan a nakumpiskaran ti bala ti paltog iti mismo a pagtaengan da idiay Barangay Baccuit Norte, Bauang, La Unio idi bigat kalman.
Maibasar iti police report, nabigbig ti suspek iti nagan a Mariano Santos Jr. , residente ti nasao a lugar.
Naarestar ni Santos kalpasan iti naisayangkat a search operation iti mismo a pagnanaedan daytoy.
Nakarekobre dagiti otoridad iti 2 a pidaso ti bala para iti cal. 45 a paltog agraman ti maysa a cellphone.
Iti agdama, maisagsagana ti kaso a panaglabsing iti RA 10591 partikular iti illegal possession of live ammunitions maikontra iti nadakamat a suspek.
