BR LA UNION – Kinumpirma ni US President Donald Trump nga aganay 19% tariff iti impataw na iti Pilipinas, kayatna sawen, maysa laeng a porsiyento ti naikissay iti orihinal a 20%.
Daytoy ti resulta iti panagtaripnong da Trump ken President Ferdinand Marcos Jr.
Iti social post ni Trump, imbaga na a ti Pilipinas ket maaddaan ti open market iti United States with zero tariff.
Nupay kasta, inlawlawag ni President Ferdinand Marcos Jr. a ti nasao a zero tariff rate ket maipataw iti sumagmamano a produkto kas iti automobile.
Imbaga ti Presidente a kiniddaw ti US a lukatan ti sumagmamano a merkado kas ti merkado iti lugan a partuat ti Amerika.
Naamwan nga aganay 30 percent tariff iti ipat-pataw ti Pilipinas kadagiti 10 seater a lugan bayat a 20 percent tariff kadagiti bus and trucks.
Iti 19 percent tariff a naipataw iti Pilipinas ti maikadwa a kababaan iti intero a Southeast Asia sumaruno ditoy iti 10 percent tariff a naipataw idiay Singapore.
Mamati ni Presidente Marcos a nupay maysa a porsiyento laeng ti ingkissay ti US iti taripa, maibilang daytoy a significant achievement.
Impaganetget ti Chief Executive nga imbaba ti US iti taripa, gaputa addaan kunana ti special relationship iti Pilipinas ken US.
Malaksid iti zero tariff kadagiti automobile products, immannugot ti Pilipinas a gumatang ti ad-adu a produkto idiay United States.
Segun iti Presidente, ngumato iti importation ti Pilipinas manipud Amerika partikular iti soy products, wheat products ken agas.
Inladawan ni Trump ni PBBM kas maysa a tough negotiator, isunga kay-kayat na ita ti Presidente ken ires-respeto da daytoy.
Iti panagtaripnong da Pres. Marcos ken US Pres. Donald Trump, pinasingkedan da manen iti napintas a relasyon ti dua a pagilian ken siniguro da nga agtultuloy iti panangtalantan da ti impataw a taripa ti Amerika iti Pilipinas.
