LA UNION – Umabot iti 119 a bilang dagiti itlog ti pawikan iti nasarakan idiay igid ti baybay iti Barangay Baroro, ili ti Bacnotan, La Union.
Kinuna ni Coastal Underwater Management Action Project Manager Carl0s Tamayo, naiyakar idiay pawikan hatchery iti ili ti San Juan, La Union dagiti nasao nga itlog.
Sigun kenni Tamayo, daytoy iti kaunaan a gundaway ita a panawen ti kalgaw nga adda ti nadiskobreda nga itlog ti pawikan.
Nainget met iti monitoring-da tapno mabalanse iti temperatura para ti panagpissa dagiti itlog.
Ad-adu ngamin ti mapissaan nga itlog nga agbalin a kabbayan a pawikan no nabara ti temperatura.
