LA UNION – Nadiskubre ti Department of Agriculture (DA) a saradon wenno saanen nga operational iti dua a kumpanya nga akinkukua ti sumagmamano a kargamento ti bagas a nakatengga ita idiay Pier.
Daytoy ti kinumpirma ni Agriculture Secretary Francisco Tiu-Laurel.
Kinuna ni Laurel a kinonsulta dan ti legal unit, tapno maamwan nu rumbeng a makaswan wenno mapagsungbat dagiti sigud a kumpanya wenno consignee ti sumagmamano a kargamento ti bagas a nakatengga idiay port of Manila.
Segun kenni Laurel, nadiskubre da a saan nga existing wenno nagpukaw a kasla asok iti dua a kumpanya a nakapanagana iti sumagmamano a kargamento.
Isunga deklarado itan nga abandonado dagiti nasao a kargamento.
Kinuna ni Laurel nga iti sumaruno a dua a lawas ket maamwan ti pakabuklan a detalye dagiti naabandonar a kargamento.
Amwen da nu adda naggandat a mangi-hoard dagiti bagas tapno makaganar da ti dacdackel, a maysa a klase ti profiteering.
Imp-amiris da metten iti Bureau of Plant Industry nu natalged nga ikonsumo dagiti bagas a karga dagiti container vans.
Nu rumwar a natalged a kanen, kinuna ni Laurel a naka depende latta iti deklarasyon ti bureau of customs nu dagiti abandonado a kargamento ti bagas ket maipasidong iti auction wenno ilako ti mas nalak-laka a presyo kadagiti kadiwa outlets.
