LA UNION – Isagsaganan iti pulisya ti kaso a panaglabsing iti Comprehensive on Dangerous Drugs Act kontra kadagiti dua a lallaki a maipagarup ang agik-ikot iti shabu iti nagsina a lugar idiay ili ti Sto. Tomas, La Union.
Nabigbig dagiti suspek nga isuda Norberto Eisma, 51; ken Pedro Carpio, 35, agpada a residente ti nasao nga ili.
Babaen ti nagtipon a pwersa iti La Union Police Provincial Office ken Philippine Drug Enforcement Agency (PDEA) Regional Office-1, ket inalikadda dagiti pagnanaedan dagiti suspek.
Walo a sachet a naglaon iti maatap a shabu ti nakompiskar manipud iti pagnanaedan ni Eisma; kabayatan a tallo met a sachet a naglaon iti shabu ti nakompiskar manipud kenni Carpio.
Dagiti nadakamat a suspek ket nakabalud idiay opisina ti PDEA Regional Office-1.
