LA UNION – Naidataganen ti kaso a panaglabsing iti R.A. 9165 iti dua a maipagarop a drug pusher, iti nagsina a buy bust operations dagiti otoridad idiay Bacnotan, La Union.
Maipalagip, naisayangkat idiay Barangay Casiaman ti nasao nga ili, a nakatiliwan ti suspek, managan Wendell Flores, 21, taga Olongapo City, ngem agnanaed ita ti Barangay Bacqui, Bacnotan.
Kinumpiskar dagiti otoridad manipud iti ikot ti suspek, iti 4 a sachet ti mapapati a marijuana fruiting tops ken maysa a round plastic container a naglaun ti dried marijuana fruiting tops.
Malaksid dayta, nakumpiskaran pay iti 4 pieces ti P100 bill kas buy bust money ken improvised totter ken na-impound iti inusar na a mini closed van.
Nupay kasta, nainget a pinaglibakan ti suspek iti akusasyon kenkuana….
Kabayatanna, maysa pay a surrendered drug personality ti natiliw iti makunkuna a follow up operation dagiti otoridad idiay Poblacion, Bacnotan, La Union.
Naka-arestaran daytoy iti suspek a managan Jenuel Cabading, maysa a grade 11 student ken 18-anyos, residente ti Barangay Talogtog, San Juan, La Union.
Nakumpiskar kenkuana iti 3 sachet ti maipagarop a marijuana fruiting tops, 2 a pidaso ti P100 bill agraman iti tablet ken cellphone daytoy.
Pinaglibakan met ti naud-udi nga am-ammo na iti immun-una a natiliw a ni Flores.
