LA UNION – Tallo nga indibidual a pakaibilangan iti dua a lolo ken maysa a lola iti inarestar dagiti otoridad kalpasan a naaktuan dagitoy nga agsusugal ti ‘tong-its’, idiay Barangay Concepcion, Rosario, La Union.
Nabigbig dagitoy nga isuda Olee Pascua, 64, negosyante, residente ti Barangay Tay-ac, Rosario La Union; Jose Cajala, 64, mannalon ken Pricilla Mallari, 61, agpada a residente ti Barangay Concepcion ti nasao met laeng nga ili.
Kinumpiskar pay dagiti otoridad iti maysa a set ti baraha ken pusta dagitoy a kuwarta nga umabot ti P840.00
Naipasidong dagiti tallo iti custodiya ti Rosario Police Station ken sumangsango iti kaso a panaglabsing iti P.D. 1602 wenno Illegal Gambling Law of the Phils.
