BR LA UNION – Posible a mabukel kas bagyo iti dua a Low Pressure Area (LPA) nga adda iti uneg ti Philippine Area of Responsibility (PAR) iti sumaganad a 24-oras, segun iti state weather bureau.

Agtultuloy met ti panagraira ti Habagat wenno Southwest Monsoon a mangigubway ti naulep a tangatang ken panagtudtudo iti dackel a paset ti pagilian.

Dagiti lugar a kangrunaan a makapad-padas ti napigsa a panagtudo, a posible a mangpataud ti panaglayos ken landslide ket idiay Metro Manila, CALABARZON, Zambales, Bataan, Pampanga, Bulacan, ken Occidental Mindoro.

Kabayatanna, idiay Benguet, Tarlac, Marinduque, ken Oriental Mindoro ket makapad-padas iti sagpaminsan a napigsa a buyat ti tudo.

Idinto a makapad-padas ti mawaras-waras a panagtudo, panaggarru-od ken panagkimat iti Cagayan Valley ken idiay Visayas, nabatbati a
paset ti Luzon, ken iti sumagmamano pay a paset idiay Mindanao.

Palagip ti weather bureau, agannad iti posible a panaglayos ken panagregga-ay ti daga, nangruna nu adda iti napigsa a thunderstorm.