LA UNION – Inarestar dagiti otoridad iti dua a mangngalap idiay Agoo, La Union gaputi sangsangwen dagitoy a kaso a frustrated murder.
Maiyannurot iti warrant of arrest, napetsaan ti January 24, 2018 nga impaulog ni RTC Judge Romeo Atillo Jr. ti Branch 31 idiay ili ti Agoo inarestar dagiti kameng ti Agoo Police Station dagiti suspek nga isuda, Carlos Ferrera, 50, ken Ronnie de Guzman, 50, agpada a mangngalap ken residente ti Barangay San Julian West, Agoo, La Union.
Umabot iti P200,000 ti nairekomenda a piyansa iti tunggal maysa para iti temporaryo a pannakawaya-waya dagitoy.
Dagiti suspek ket agtaltalinaed iti custodiya dagiti otoridad para iti umno a disposisyon.
