LA UNION – Inarestar iti pulisya dagiti dua a tattao a maipagarup nga ilegal nga agpukpukan iti kayo idiay Barangay Subusub, ili ti Rosario, La Union.
Base iti impormasyon a nakalap ti Bombo Radyo manipud Rosario Police Station, naala manipud kadagiti suspek iti uppat nga square logs ti teakwood a mapatpata nga agbalor ti P3,800 ken maysa a chainsaw.
Iti agdama, adda iti kustodiya ti pulisya dagiti nakumpiskar nga ebidensya ken dagiti suspects para iti pannakaidatag ti kaso a panaglabsing ti Presidential Decree 705 wenno Forestry Code of the Philippines. (Absalom Flores)
