LA UNION – Naamuanen iti pakabigbiggan ti tallo a nagkakalubbon iti simmemplang a motorsiklo idiay Barangay Rimos 1 iti ili nga Luna, La Union iti rabii kalman.
Naamuan ti Bombo Radyo La Union manipud iti Luna Police Station, mismo a ti pangamaen a ni Alfredo Ormita, 43 anyos, balo, residente ti Barangay Quintarong, iti ili a Bangar, ti nangbigbig iti dua a pimmusay nga isuda Jayvee Noto, 21, baro, ken Jumar Peñosa, 20 anyos, agpada nga residente ti nasao a ili.
Maipalagip, maipagarop a napartak iti panagpataray ti motorsiklo isu a dimmungpar daytoy iti dakkel a paso ken naiyablat iti sementado a kalsada dagiti biktima.
Kabayatan na, agtaltalinaed met a kritikal iti kondisyon ni Tyson Ormita, 20 anyos, baro iti Ilocos Training & Regional Medical Center iti ciudad ti San Fernando.
Atapen ti pulisya a posible nga nakainom ti arak dagiti biktima idi mapasamak ti aksidente.
