LA UNION – Dead on arrival iti Bacnotan District Hospital ti dua nga indibidual kalpasan a maaksidente dagitoy iti kawatiwatan ti brgy road ti Brgy. Galongen, Bacnotan, La Union.
Nabigbig dagiti pimmusay a biktima nga isuda Jaypee Cabauatan, 32, addaan asawa, ken Christian Lilan, 20, baro, agpada a residente ti Bangay Poblacion iti nasao nga lugar.
Maibasar iti report a nakalap ti Bombo Radyo manipud iti Bacnotan Police Station, daldalyasaten ti motorsiklo a nagluganan dagiti biktima no sadino driver ni Cabauatan idi mapukawan iti kontrol ti manibela kasaruno ti pannakaidungparda iti kayo ti narra.
Gapu iti kinapigsa ti pannakaidungparda ket agpada dagitoy a nagsagaab ti sugat iti nadumaduma a paset ti bagida a rason ti dagusda nga ipupusay.
Agtultuloy met iti imbestigasyon dagiti otoridad maipapan iti napasamak nga aksidente.
