BR LA UNION – Natay ti dua a tattao kalpasan a saan da a nakarwar iti maur-uram a condominium unit idiay Ongpin St. Binondo, Manila.
Segun iti Bureau of Fire Protection (BFP) dagiti biktima ket agpada a kasambahay.
Natay dagitoy kalpasan a saan da a nakarwar iti 35th floor ti Skysuites, Ongpin, Manila.
Ngem maipagarop a nakarwar dagiti tallo a kakadwa dagiti dua a biktima.
Im-imbestigaran dagiti otoridad ti nakaigapwan ti uram, a nasebseban kalpasan ti nasurok dua nga oras.
