LA UNION – Dead on the spot ti dua a negosyante kalpasan a madungpar ken mapaatalan pay ti lugan iti kawatiwatan ti national highway iti Barangay Pagdalagan Sur, Bauang, La Union.
Nabigbig dagiti pimmusay a da Sonny Orinia, 40, residente ti Barangay Butubot Este iti ili aBalaoan, ken Lanie Cortez, ti Barangay Calumbaya, iti ili a Bauang, agpada a negosyante ti Ukay-ukay.
Maibasar iti impormayson a nakalap ti Bombo Radyo iti Bauang Police Station, naggapuu iti abagatan a direksyon ti tricycle a minaneho ni Orini idi maipagarop a madungpar daytoy ti elf truck a minaneho ni Marlo Acosta, manipud iti amianan a direksyon.
Gapu iti pasamak ket naipurwak dagiti biktima iti amianan a ditreksyon ken apag-isu a maipagarop nga mapaatalan ti close van truck nga minaneho ni Armando Junio.
Makunkuna a naglibas pay ni Acosta kalpasan ti insidente ngem nasaed met laeng dagiti otoridad no sadino iliblibak na nga isuna ti nakadungpar kadagiti biktima a maisupadi met iti ibagbaga ti nakakita a testigo.
Agtaltalinaed iti kustodiya dagiti otoridad ti dua a driver para iti kanayunan nga imbestigasyon.
Naamuan nga kaal-ala laeng ti dua a negosyante dagiti tagilakoda nga Ukay-ukay idi mapasamak ti aksidente.
