Naideklara a dead on arrival iti pagagsan ti dua a biktima ti pammagsol idiay Barangay Sta. Monica, Agoo, La Union.
Nabigbig dagiti biktima nga isdua Edgar Morales, 50, ken Melchor Dasian Jr, 30 residente ti nasao a lugar idinto a dagiti suspek ket nabigbig nga isuda Richard Dumo, 28, ken Conrado Dumo, 58, residente ti Barangay San Nicolas Central ken maysa a saan pay a nabigbig ti kinasiasino na.
Maibasar iti police blotter, ni Conrado ket napan iti gayyem na ken sadiay a nagsao ti dakes. Nangngeg daytoy ni Edgar ken inanawa ti immun-una.
Naamuan a dinanog ni Edgar ti rupa ni Conrado. Kalpasan na nagawid ti naud-udi ken idi a nagsubli ket kaduanan ti putot na ken dadduma a kakadua a naka motor kagiddan iti panangbagsolda kadagiti biktima.
Iti insayangkat a manhunt operation dagiti otoridad ket natiliw dagiti suspek.
Maur-uray ita ti pangngeddeng iti kaso dagiti suspek iti inaramid da kadagiti biktima.
