BR LA UNION – Dua a mammanday linteg manipud party-list ti naglosolos iti puwesto idiay Kamara de Representantes idi kalman, Lunes.
Daytoy ti kauddian a serye ti panag resign iti Nababa a Pagpandayan Linteg kasaruno ti panagbaba iti pwesto ti maysa a kongresista a mairam-raman iti bilyones a kantidad iti anomalya iti flood control.
Iti insayangkat a plenary session, inwaragawag ni Zamboanga del Sur Rep. Jeyzel Victoria Yu a naawaten ti Kamara iti surat dagiti naglosolos, nga isuda – 1Tahanan Party-list Rep. Nathaniel Oducado ken Pinoy Workers Party-list Rep. Franz Vincent Legazpi.
Kasaruno daytoy, pormal nga indatag na iti maysa a mosyon a mang-ikkat kadagiti dua iti opisyal a listaan dagiti miyembro ti Kamara.
