LA UNION – Mangisayangkat iti naun-uneg pay nga imbestigasyon ti San Juan Police Station maipapan iti report a na-biktima ti panagtakawan iti dua a Russians, a nagdagus iti Laroca Villa resort idiay Barangay Urbiztondo, San Juan, La Union.
Iti inisyal nga imbestigasyon ti pulisiya, nabigbig dagiti biktima nga isuda Ruslan Talyshev, 49, maysa a restaurant manager ken Maxim Bolotov, IT programmer idiay pagilian a Russia.
Agarop alas 7:00 idi rabii ti Sabado ket rimwar dagitoy iti ab-abangan da a kwarto, ngem idi agsubli da ket maipagarop a mapukpukaw metten dagiti nginginaen nga alikamen dagitoy, kas iti backpack, camera, laptop macbook, cellphone, Russian ID, bank card ID, drivers liscense ken cash money a saan metten a nailanad iti kantidad na.
Nupay kasta, iti panagresponde dagiti otoridad, agpar-parang nga awan iti indikasyon ti force entry iti nasao a kuwarto.
