LA UNION – Adda itan iti uneg ti pagbaludan dagiti dua a wanted person nga inaresto ti pulisya.
Naammuan ti Bombo Radyo manipud iti La Union Police Provincial Office, naaresto idiay Barangay Antonio, ili ti Balaoan ni Reynaldo Lozada gapu ti kaso na a frustrated murder.
Umabot met iti P200,000 ti intuding a piyansa ni Lozada para ti temporaryo a pannakaruk-at daytoy.
Kabayatanna, tiniliw iti kameng ti San Fernando City Police ni Randy Galvez a taga- Catbangen, San Fernando City a maipagarup a naglemmeng idiay Munos, Nueva Ecija gapu ti kasona a rape.
Saan met a pinalubusan ti korte a makapagpiyansa ni Galvez gapu ti kinadagsen ti sangsanguenna a kaso.
