LA UNION – Naitantan iti budget deliberations iti plenaryo ti Office of the President (OVP) idi kalman gapu iti saan a panagdar-ay ni Vice President Sara Duterte idiay Kamara.
Alas-10:00 ti agsapa a nakatuding koma ti budget deliberations ti OVP iti plenaryo, ngem awan ti napasangpet da a Bise Presidente.
Segun kenni Minority Leader ken 4Ps Partylist Representative Marcelino Libanan, napateg ti presensiya ni VP iti plenary budget deliberations gaputa napateg nga aspeto daytoy iti linteg ti pagilian.
Impaganetget ni Libanan a rumbeng nga ikkan prayoridad ti bise presidente iti budget deliberations.
Gaputi dayta, inrekomenda ti minority leader nga itantan da ti deliberasyon agingga Miyerkules, September 25, nga isuti maudi nga aldaw ti plenary budget debates.
Ket nu saan latta nga agparang inton Miyerkules iti maudi nga aldaw ti budget deliberations, desisyunanen daytoy ti majority.
Iti committee report ti Appropriations panel, nakissayan iti pondo ti OVP ti aganay P1.3 billion idinto a ti nabati a pondo ket aganay P733 million.
