Impaganetget ni Senate President Francis Escudero a ti tinawen a general appropriations act, mangrugi iti 2025 version, ket masapul a climate adapted ken climate resilient.
Daytoy ket kalpasan a dimteng ti bagyo Kristine iti pagilian a nakatayan ti adu a biag.
Nupay kinunana a nalaka lang ti agpabasol no ania nga ahensia ti akin-aramid iti naited nga epekto ti bagyo Kristine, kinuna ni Escudero a nasaysayaat no agsagana para iti masanguanan a pangta ti kalamidad.
Namnamaen ti liderato ti Senado a mapagdedebatean iti plenario ti isyu mainaig iti flood control projects.
Malaksid iti pannakailatang ti dadakkel a pondo, kinuna ni Escudero a rumbeng a puntiriaen ti panaggasto a maibasar iti aktual a research ken datos tapno masigurado nga epektibo dagiti programa mainaig kadagiti flood controls.
