LA UNION – Awan pay 10 a minuto, inaprubaranen ti committee level ti Senado iti P10.5 billion a singasing a pondo ti Office of the President.
Pasado alas 10:30 ti bigat idi kalman a nangrugi ti panagdengngeg ket imprisinta ni Executive Secretary Lucas Bersamin iti proposed budget ti opisina ti Presidente.
Dagus met nga insingasing ni Senate Pro Tempore Jinggoy Estrada kas parliamentary courtesy, nga aprubaranen iti committee level ti gakat a P10.506 bilyon 2025 budget ti Office of the President.
Nag-second the motion ni Finance Committee Chairman Senadora Grace Poe iti nasao a kadawatan ni Estrada, ket awan pay ti 10 a minuto, nakalusoten iti budget ti Office of the President.
