BR LA UNION – Naan-anayen nga inaprubaran ken pinirmaan ti Bicameral Conference Committee iti P6.793 trilyon a House Bill No. 4058 wenno General Appropriations Bill (GAB) para iti tawen 2026.
Pinirmaan dagiti mangibagbagi manipud Senado ken Kamara iti bicameral report kalpasan ti deliberasyon idiay PICC, Pasay City.
Segun kenni House Appropriations Chair Mikaela Suansing, nakasentro ti budget iti human capital development ken transparency.
Dinakamat ni Senate Finance Chair Sherwin “Win” Gatchalian a dakkel ti alokasyon para iti edukasyon, salun-at ken agrikultura.
Umuna a gundaway a nailukat iti publiko ti bicam deliberations babaen ti livestream.
Ranta daytoy tapno malikikan dagiti anomalya ken maisubli ti talek dagiti umili iti proseso ti budget.
Nakatuding a ratipikaran ti Senado ken Kamara iti bicameral report iti plenary session ita a malem ti Lunes, Disyembre 29 sakbay a mai-transmit iti Office of the President.
Manamnama a pirmaan ni President Ferdinand Marcos Jr. iti General Appropriations Act iti umuna a paset ti Enero tawen 2026.
