BR LA UNION – Inpadamag ti National Electrification Administration (NEA) a 32 nga electric cooperatives iti innem a rehiyon ti naapektaran iti panagduprak ti Super Typhoon Nando ken pimmigsa nga habagat, maibasar iti report idi Setyembre 23, 2025.
Tallo a kooperatiba kabilang iti Abra Electric Cooperative (ABRECO), Batanes Electric Cooperative (BATANELCO), ken Ilocos Norte Electric Cooperative (INEC), ti nakapadas iti total blackout wenno nasaknap a panagpukaw ti kuryente, bayat a walo iti nakapadas ti partial brownouts, kabilang iti Batangas II Electric Cooperative (BATELEC 2), Benguet Electric Cooperative (BENECO), Cagayan Electric Cooperative I (CAGELCO 1), Cagayan Electric Cooperative II (CAGELCO 2), Ifugao Electric Cooperative (IFELCO), Ilocos Sur Electric Cooperative (ISECO), La Union Electric Cooperative (LUELCO), ken Mountain Province Electric Cooperative (MOPRECO).
Kabayatanna, agtaltalinaed a normal iti operasyon dagiti 21 a dadduma pay a kooperatiba.
Segun iti NEA, 271 kadagiti 411 nga ili wenno 65.94% ket agtaltalinaed nga addaan ti kuryente, bayat a 638,615 a babbalay ti agtultuloy a maur-urnos iti suplay ti kuryente na.
Mapatta-patta nga umaboten ti P2.19 million iti inisyal a perdisyon iti imprastraktura, maibasar iti report ti BENECO.
Kabayatanna dagiti apektado a rehiyon ket pakaibilangan ti CAR, Ilocos Region, Cagayan Valley, Central Luzon, CALABARZON, ken MIMAROPA, partikular dagiti 22 a probinsya.
