BR LA UNION – Pimmigsa pay ken nagbalinen a TYPHOON iti bagyo Nando.
Maibasar iti 8:00 AM update ti Philippine Atmospheric, Geophysical and Astronomical Services Administration (PAGASA), nakita iti sentro ti bagyo iti kaadayu nga 800 kilometro daya a paset ti Central Luzon.
Kabuyog ti kapigsa ti angin a 120 kilometer per hour ken kapegges nga agingga 150 kph.
Agtultuloy iti amianan-a-palaud a direksiyon ti bagyo Nando agturong iti Extreme Northern Luzon ita nga aldaw ti Sabado, Setyembre 20.
Posible a pumigsa pay ti bagyo Nando ken agbalin a super typhoon sakbay nga ag-landfall idiay Batanes wenno Babuyan Islands inton aldaw ti Lunes, Setyembre 22, ken namnamaen a rumwar iti Philippine Area of Responsibility inton Martes, September 23.
