BR LA UNION – Arestado iti maipagarop nga street level drug pusher kabayatan ti buy-bust operation dagiti otoridad idiay Brgy. Calumbaya, Bauang, La Union itay bigat, Enero 21.
Iti suspek, ket binigbig laeng ni PCOL HERYL L BRUNO, director iti La Union Police Provincial Office, kas 22-anyos a driver manipud Brgy. Central West, Bauang.
Iti suspek ket inarestar dagiti kameng ti Bauang Police Station kadwa da ti PDEA ken dadduma pay a police units, kalpasan a linakwanna ti nagpammarang a puseor buyer ti maysa a plastic sachet ti maipagarop a shabu.
Kinumpiskar pay dagiti otoridad manipud iti ikot ti suspek ti suspek iti maysa a sachet ti maatap a shabu, maysa a sachet ti suspected dried marijuana leaves, ken sumagmamanp a pidaso ti non-drug evidence.
Kabayatanna, segun iti Bauang Police Station, dagiti nakumpiskar a dua a sachet ti shabu nga agdagsen ti aganay 2 a gramo ket addaan ti standard drug price a P13,600, bayat a ti nakumpiskar a marijuana, agdagsen ti aganay 2 grams ket agbalor ti P240.
Iti suspek ket naipasidong iti custodiya dagiti otoridad ken naidatagan ti kaso a panaglabsing iti Comprehensive Dangerous Drugs Act of 2002.
