Pimmusay ti 24-anyos a baro kalpasan a dinalapos ti maysa a truck ti nagluganan daytoy a motorsiklo iti national highway a masakupan ti Barangay Bulala, Bacnotan, La Union kagiddan ti pannakaibuyat iti napigsa a panagtudo agarup alas-9:20 idi rabii.
Nabigbig ti biktima a ni John Christian Chavez, residente ti Barangay Bacqui.
Base iti inisyal nga imbestigasyon ti Bacnotan Police, daldalyasaten ti motorsiklo ti nadakamat a kalsada agturong iti amianan a direksyon idi maipagarup a nadayanggus daytoy ti saan pay a nabigbig a truck manipud iti kasungani a direksyon a nangitunda ti pannakapukaw ti biktima ti kontrol iti manmanihuen na motorsiklo kasaruno ti pannakatumba na iti kalsada.
Naglibas ti truck kalpasan ti insidente bayat a naiturong met iti Bacnotan District Hospital ti biktima ngem naideklara a natay babaen iti doktor.
Mannarimaan met ita ti panangkita dagiti otoridad ti CCTV footage iti posible a nagdalanan ti truck.
Dagus met nga naipakaammo daytoy kadagiti kabangibang a Police Station para iti dagus nga pannakatiliw iti respondent suspect.
Naamuan nga agawiden ti biktima iti pagtaengan dagitoy idi a napasamak ti insidente.
