Naidatagen iti panaglabsing iti PD 1602 wenno anti-illegal gambling operation ti maysa a bet collector idiay Brgy. Pangao-aoan West, Aringay, La Union.
Daytoy iti kinumpirma ti Bombo Radyo La Union ni Pol. Major Benjie Daireu Umalla kabayatan iti pannakiuman kenkuana.
Maipalagip, ti naisayangkat nga operasyon no sadino natiliw ti 25-anyos a mekaniko ken bet collector bayat a nakalibas met dagiti dadduma a kakaduana.
Karaman kadagiti nakumpiskar manipud iti possession daytoy ti P20, 950 pesos a pusta kasaruno ti pannakaiturong daytoy iti kustodiya ti Aringay Police Station.
