LA UNION – Napukawan ti dua a ramay iti kattigid nga ima na iti maysa a 26-anyos a lalaki kalpasan a naputukan iti inusar daytoy a paputok.
Iti nasao a biktima ket maysa a bakasyunista idiay Barangay Dulao, Aringay, La Union ken tubo ti Bokod, Benguet.
Maibasar iti nakalap nga impormasyon ti Bombo Radyo La Union manipud iti Ilocos Training and Regional Medical Center (ITRMC), iti pasyente ket nakaru a nadangranan iti kikit ken palasing-singan a ramay na, isunga pinuted laengen dagiti doktor.
Naamwan a ti inusar na a paputok ket iti maaw-awagan a BAWANG.
Naamwan pay a positibo iti nasanger a mainom ti pasyente idi mapasamak ti insidente.
