Ipabpabasol ti Department of Information and Communications Technology ti saan a naan-anay a panagbuwag wenno panagretiro ti 2G network a maysa kadagiti makagapo ti panagsaknap dagiti ‘text scams’ ditoy pagilian.
Daitoy kuna ti ahensya ti us-usaren dagiti Philippine Offshore Gaming Operators wenno POGOs kadagiti International Mobile Subscriber Identity device wenno pagaammo ay kas IMSI catchers.
Segun mismo kenni Undersecretary Jeffrey Ian Dy, ti nasao nga alikamen ket gumana laeng para kadagiti netwrk a nababbaba pay ngem 3G.
Gapo iti dayta ket kunana a rumbeng laeng a maaddaan iti ‘timeline’ nu katno a marugyan a maikkat ti 2G ken nabababa pay a mobile technology ditoy Pilipinas.
Nupay kasta, innayon na met a maawatan da ti posible nga epekto ti ekonomiya apaman a matuloy ti panangikkat ti 2G network.
Kabaytanna, itantandudo ti nasao nga ahensya ti kaadda dagiti diskusyon mainaig iti daitoy a saritaan.
Nasken a makasuroten ti Pilipinas kadagiti dadduma pay a pagilian nga rinugianen ti panagikkat kadagiti kapada a mobile technology network.
