Tarigagay ti Department of Information and Communications Technology a siguraduen iti kinatalged dagiti ubbing nga agay-ayam iti nadumaduma a gaming platforms online.
Inikkan atensyon ti departamento iti panagsukimat daytoy iti ay-ayam a masarakan online tapno masigurado a natalged dagiti ubbing manipud ti pannakaisagmak.
Maitunos ti addang iti maysa nga ay-ayam a napaayaban gapu kadagiti naawatda a reklamo.
Mapagpegpeggadan nga i-ban daytoy ti Pilipinas ngem saan a napasamak gaputa naragsakan ni Undersecretary Aboy Paraiso ti Cybercrime Investigation and Coordinating Center iti nagbalin a sungbat ti ay-ayam.
Naragsakan met ni Information and Communications Technology Secretary Henry Rhoel Aguda kadagiti safety protocols a dagus nga impatungpal ti online gaming platform.
Nangted ti sekretario iti mensahe kadagiti agtutubo nga agay-ayam iti nadakamat nga online gaming platform.
Kenunana a ti laeng panggepda, kas pannakaipamaysa kadagiti nagannak, ket ti masigurado iti kinatalged ti tunggal player wenno no agay-ayam iti makunkuna a ‘digital playground’.
Balakadti sekretario kadagiti nagannak a kitaenda met iti ‘kinatalged’ dagiti online games nga ay-ayamen dagiti annakda.###
