Mangisayangkat iti second collection ti Archdiocese of Manila inton Nobiembre 23 ken 24, 2024 para kadagiti biktima ti Super Typhoon (ST) ‘Pepito’.
Maibasar iti Circular No. 2024-83 nga inruar ni Manila Archbishop Jose Cardinal Advincula, amin nga simbaan iti sidong ti Archdiocese of Manila ket mangisayangkat iti 2nd collection kadagiti amin a misa ita a ngudo ti lawas.
Ti maurnong a koleksyon ket maipaay kadagiti biktima ti ST ‘Pepito’.
Nabilin met dagiti church management nga iremit amin a collection ti Accounting Office ti Arzobispado de Manila sakbay nga ag-Nobiyembre 29.
Kasaruno daitoy ket mangipaay pay ti kararag ni Archbishop Advincula kadagiti biktima ti ST ‘Pepito’. Maikararagan dagiti naan-Anay a panagdur-as ti biag ken sitwasyon dagiti biktima ken tapno mapalag-an dagiti kabibiag da.
