LA UNION – Nadetect iti 3 a baro a kaso ti mpox ditoy Pilipinas.
Iti datos manipud Department of Health, amin a pasyente ket lallaki nga adda iti edad a 29 ken 34-anyos.
Dua kadagitoy ket manipud National Capital Region bayat a maysa manipud Calabarzon region.
Base iti findings, dagiti 3 ket positibo iti mas mild a klase ti mpox a Clade II.
Gaputi kadagiti tallo baro a kaso, umaboten ti 17 iti bilang ti mpox cases ditoy pagilian sipud idi July 2022 ken 9 ditoy ket nabayagen a nakarekober idi pay 2023 bayat a 8 dagiti aktibo a kaso.
Dagiti baro a kaso wenno case 15 ken 16 ket naaddaan ti anonymous sexual encounters iti nasurok maysa a partner bayat a ti case 17 ket naaddaabn ti sexual contact iti maysa nga indibidwal nga addaan ti skin symptoms.
Awan met ti travel history dagiti 3 iti uneg ti 21 nga aldaw sakbay a rimwar dagiti sintomas.
