LA UNION – Isagsaganan ti pulisya iti kaso a panaglabsing ti Presidential Decree 705 wenno Foresty Code of the Philippines kontra kadagiti tallo a lallaki a maipagarup a nagpukan iti kayo a a Narra idiay Barangay Singngat, ili ti Sudipen, La Union.
Base iti impormasyon a nakalap ti Bombo Radyo manipud ti Sudipen Police Station, nakompiskar manipud kadagiti suspek iti 20 a pidaso ti tabla iti nasao a kayo nga agrukod iti 267 board feet ken agbalor daytoy iti P13,000.
Nai-turn over iti sidong ti Provincial Environment and Natural Resources Office (PENRO) dagiti nakompiskar nga ebidensya.
