LA UNION – Isagsaganan ti pulisya ti kaso a panaglabsing iti PD 1602 kontra kadagiti tallo a babbai a naakruan nga agsusugal idiay Barangay San Nicolas West, ili ti Agoo, La Union.
Iti impormasyon a nakalap ti Bombo Radyo manipud iti Agoo Police Station, nakompiskar manipud kadagiti suspek iti baraha ken kwarta nga ar-aramaten dagitoy iti panagsugal.
Kabayatanna, naminsan manen a nagpalgip ti pulisya maipapan iti maipatpatungpal a kampanyada kontra ti iligal a sugal. (Absalom Flores)
