LA UNION – Tiniliw iti pulis dagiti tallo a babbaro nga agsusugal idiay Barangay Damortis, ili ti Rosario, La Union.
Naammuan ti Bombo Radyo manipud ti Rosario Police Station, naakruan nga agay-ayam ti baraha dagiti suspek apaman a nakasangpet dagiti pulis.
Malaksid iti baraha, nakompiskar met manipud iti ikotda ti P254 a kwarta a pagtaytaya dagitoy.
Isagsagana metten ti pulisya ti kaso nga illegal gambling kontra kadagiti suspek.
