LA UNION -Inaresto ti pulisya dagiti tallo a lallaki a maipagarup a kubrador ti small town lottery (STL) idiay syudad ti San Fernando, La Union.
Dagus a kinemmeg iti tauhan ti San Fernando City Police dagiti suspek kalpasan a mapaay dagitoy a mangipakitan iti uniform ken identification card a mangpampaneknek nga isuda ket lehitimo a STL a bet collector.
Nakompiskar manipud iti tallo ti P512 a kwarta ken papel a nangisuratanda iti natayaan a numero.
Isagsagana metten ti pulisya ti kaso a panaglabsing iti Anti-gambling Law kontra kadagiti suspek.
