LA UNION – Tallo a Christian missionaries ken gangannaet iti nabiktima ti panagtakawan manipud iti nagdagusan dagitoy a hotel idiay Barangay Pagdalagan Sur, Bauang, La Union.
Nabigbig dagiti biktima nga isuda: Danielle Kathleen Braun, 23; Courtney Marie Wayne, 28, agpada nga American national; ken Clara Masland Grandfeit, 19, maysa met a finnish national.
Dagiti tallo ket nag check-in iti Hotel 45 resort, a nakabase iti Barangay Pagdalagan Sur ti nasao nga ili.
Maibasar iti report, in-lock dagiti nasao a gangannaet iti kuwarto sakbay da a rimwar tapno mapan mang-rabii iti nasaio met laeng nga establisimento.
Ngem idi agsubli da iti kuwarto dagitoy, nadiskubre da laengen a mapukpukaw metten dagiti napapateg nga alikamen dagitoy, a kas iti cellphone, 2 a camera, 2 a laptop. iPod, ken cash money nga umabot iti P5,800.00
Dagiti biktima ket nagreport metten iti Bauang Police Station kalpasan ti insidente, babaen iti panangkuyog kadakuada ni Ida VIVI Charlotte Mendita, 24, residente ti Baguio City.
Kabayatanna, base iti naala a CCTV footage manipud iti nasao a resort, lalaki iti suspek ken nakasuot daytoy ti blue a t-shirt ken maong pants.
Agtultuloy iti imbestigasyon dagiti otoridad iti nasao nga insidente.
