LA UNION – Naimsan manen a nagpalagip ti San Fernando City Business and Perments Office kadagiti bussinessmen nga ag-comply wenno agtungpal ti pammilin a mangikabil iti CCTV camera kadagiti pasdek wenno opisina dagitoy.
Iti pannakiuman ti Bombo Radyo kenni San Fernando City Business and Perments Office head Ofelia Mendoza, kinunana a naikkan iti tallo a bulan a pawayway dagiti negosyante nga agtungpal wenno agikabil iti CCTV kadagiti pagnegosyoan dagitoy.
No mapaay nga agtungpal ti mangimatmaton iti business establishment ket mabalin a maibabawi ti permits dagitoy.
Innayon pay ni Mendoza, dagiti laeng opisina wenno business establishments a matukoy iti Office of Public Safety ti masapul nga agtungpal iti nasao a pammilin kas sagudayen iti ordinansa ti syudad para iti bukod a kinatalged met laeng dagitoy.
