BR LA UNION – Nagsagaba ti pannakaduno dagiti tallo nga indibiduwal kalpasan a kellaat a bimtak ken nauram ti maysa a gasoline storage idiay Barangay Don Pedro, Malasiqui, Pangasinan.
Napasamak ti insidente idi Domingo, Abril 6, 2025. Dimmanon iti maikadwa nga alarma ken naideklara a fire-out iti oras ti alas 5:00 ti malem.
Nairaman a nauram ti dua a babbalay nga asideg iti bimtak a gasoline storage, ngem nagasat a saan a nairaman ti maysa nga asideg a gasolinaan.
Iti inisyal nga imbestigasyon, iti panagbettak a makita iti nag-waras a video, ket napasamak iti maysa a lugar a pakaidul-dulinan iti flammable materials, a maipagarop nga adda iti likudan dagiti nauram a babbalay.
Agtultuloy iti imbestigasyon ti Bureau of Fire Protection wenno BFP-Malasiqui tapno amwen ti makagapo ti nasao nga insidente ken manu ti danyos iti napasamak nga uram.
