LA UNION – Dead on the spot ti tallo nga tattao kalpasan iti panagdinnungpar ti motorsiklo ken truck iti kawatiwatan ti national highway ti Barangay Santiago, Bauang, La Union.
Nabigbig ti dua manipud iti tallo a pimmusay nga isuda Hazer Arsay, ken Benjamin Buscas, agpada a residente ti Barangay Urayong iti nasao nga ili.
Sakbay iti aksidente ket agpada a daldalyasaten ti truck a minaneho ni Romeo Dizon, 44, ti Barangay Quezon, San Isidro Isabela ken motorsiklo a minaneho ni Buscas, ti kalsada iti agkasungani a direksyon.
Maipagarop a nag-overtake ti truck a minaneho ni Dizon iti sarsaruen a ten wheeler truck kasaruno iti pannakadungpar na iti nasao a motorsiklo.
Iti agdama ket agtaltalinaed iti kustodiya ti Bauang Police Station ti respondent driver para iti kanayunan nga imbestigasyon bayat nga am-amuen pay iti pakabigbiggan ti maysa kadagiti pimmusay a backride ti motorsiklo.
