Binitay ti gobierno ti Singapore dagiti tallo nga indibidual kalpasan a masentensiaanda gapo iti kaso maipanggep ti illegal a droga.
Iti pakabuklan, sangapulo ket piton (17) dagiti nabitay ita a tawen nga isu ti kangatuan a bilang sipud iti panakaipatungpal na idi 2003.
Idi napalabas a lawas, naaddaan constitutional challenge iti death penalty a nakatuding a dinggen ti korte.
Maysa ti Singapore nga addaan ti kadagsenan a dusa kontra kadagiti lumablabsing mainaig ti ilegal a droga.
Makasango ti dusa a patay iti siasinoman a mangipuslit, mangilako, mangsuplay wenno mangmanehar ti ilegal a droga ti nasurok 15 a gramo ti diamorphine, 30g cocaine, 250g methamphetamine, ken 500g cannabis.
Inkalintegan ti Singapore a no ikkatenda iti dusa a bitay ket sigurado a ngumato iti bilang dagiti aglaklako ti ilegal a droga.#
