Nasentensyaan ti bitay 38 Overseas Filipino Workers nga agtartrabaho iti nadumaduma a pagilian ti intero a lubong. Daytoy ti impalgak ni Attorney Hans Leo Cacdac, agdama a sekretario ti Department of Migrant Workers.
Inbinglayna nga agtultuloy ti panangmonitorda kadagiti Pilipino a nasentensyaan ti bitay.
Segun kenkuana, kaaduan kadagiti sumangsango iti death row ket manipud Saudi Arabia wenno Middle East, pakairamanan ti kas a murder, illegal a droga ken dadduma pay a nadadagsen a kaso.
Nupay kasta, kinuna ti sekretario a tulongan ti gobierno dagiti kabagian dagiti OFW nasentensiaan iti bitay.
Kinunana, dadduma kadagitoy ti naabsuelto ken ti agdama, ururayen da pay ti resulta dagiti kaso ti Overseas Filipino Workers a tinulonganda iti sabali a pagilian.
