LA UNION – Isagsaganan ti pulisya ti agtutuon a kaso kontra kadagiti uppat a lallaki babaen ti buy-bust operation ti pulisya idiay Barangay Poro, syudad ti San Fernando, La Union.
Nabigbig ti suspek nga isuda Jake Orfano, 26, residente ti Barangay Poro; Sherwin Cabillo, 27, residente ti Barangay Catbangen ti nasao a syudad; Daniel Agusto, 25, residente ti Barangay Bacuit Sur; ken Ralph Refuerzo, 28, residente ti Barangay Central West idiay ili ti Bauang, La Union.
Naammuan ti Bombo Radyo manipud iti San Fernando City Police Station, nakompiskar manipud iti ikot dagiti suspek iti dua a sachet a naglaon iti maatap a shabu, P1,000 bill kas marked money ken maysa a cal .38 a paltog karaman ti siyam a bala dayto.
Kabayatanna, kinuna met ni Orfano a maipagarup nga ipalpalako laeng kenkuana ni “Dino” ti nasao a paltog.
Pinaglibakan met ni Cabillo nga aglaklako daytoy iti droga.
Agpada a nakakaem met iti ngiwat ni Agusto ken Refuezo iti pannakairaman dagitoy.
Kaso nga illegal possession of firearms ken panaglabsing iti Comprehensive on Dangerous Drugs wenno Republic Act 9165 ti reklamo a maidatag kontra kadagiti suspek.
