BR LA UNION – Mapapati nga uppat ti natay kalpasan a nagsuwek ken nawara ti nagluganan da a bassit ken private plane idiay Barangay Malatimon, Ampatuan, Maguindanao del Sur.
Saan pay a nabigbig dagiti biktima ngem maibasar iti report, karaman ditoy ti dua a lallaki ken dua a Caucasian.
Segun kadagiti residente, nakita da iti panag-palya ti private plane iti tangatang pay laeng sakbay a naan-anay a natinnag daytoy.
Napasamak ti insidente agarop alas 2:30 p.m. ita nga aldaw, Pebrero 6.
Iti nasao a private plane a Beech King Air 300 ket maysa a fixed multi-engine plane.
Nadunor pay ti maysa a nuang partikular iti sungo na kalpasan ti panagsuwek ti bassit nga eroplano.
