LA UNION – Agpapada a naiturong iti opistal dagiti uppat a lallaki kalpasan a naaksidente ti maysa a motorsiklo idiay Sevilla, syudad ti San Fernando, La Union.
Naammuan ti Bombo Radyo manipud San Fernando City Police Station, madama iti panagballasiw ti managan Giovani Manawis iti kalsada iti a dungparen dagiti ti motorsiklo a manmanehuen ni Jayson Balanon nga addaan ti dua a kalubbonna nga isuda Enrique Munar ken Ariel Ducusin, agpapada a residente iti syudad.
Maipagarup nga nakainom iti arak dagiti tallo a nagkakalubbon iti nasao a lugan idi a mapasamak ti aksidente.
Naduktalan met iti pulisya nga awanan ti dokumento ti nadakamat a motorsiklo. (Absalom Flores)
