Agpapada nga naiturong iti ospital ti uppat a biktima kalpasan iti panagdinnungpar ti motorsiklo ken tricycle idiay Barangay Nagsabaran, Bangar, La Union.
Nabigbig dagitoy a da Reynaldo MIna Jr, 30, addaan asawa, driver ti tricycle ken ti anak na a ni Shamly, Ericson Leonen, 22, taga Bangaoilan ken ni Aljon Mico, 22, ti Bangaoilan East, nakalugan iti motorsiklo.
Naamuan nga agturturong iti amianan ti tricycle idi nga immagaw ti motorsiklo manipud iti kasungani a direksyon a nagbanag iti panagdinnungpar dagitoy.
Kabayatan iti pannakammiris kada Leonen ken Mico, maipagarop a nakainom ken awanan iti suot nga helmet dagitoy iti mapasamak ti aksidente.
