LA UNION – Uppat nga indibidual dagiti naarestar iti naisayangkat nga anti-gambling operation idiay Barangay Nagrebcan, Bauang, La Union.
Pakaibilangan dagitoy iti tallo a babbai ken maysa a lalaki.
Dagiti saan metten a nainaganan a suspek ket naaktuan da nga agsusugal iti maaw-awagan a pusoy dos.
Nakakumpiskar pay dagiti otoridad iti dua a set ti playing cards ken bet money.
Naiyidurso dagitoy iti Bauang Police Station para iti umno a disposisyon.
Maisag-sagana metten ti maidatag a kaso partikular iti P.D. 1602 wenno anti-gambling law maikontra kadagiti suspek.
