Kasadon inton bigat, Pebrero 4 ti hearing mainaig ti fake news ken disinformation ti House Tri-committee a buklen dagiti komite iti public order and safety, public information ken information and communications technology.
Segun iti overall chairman ti Tri-committee a ni Laguna representative Dan Fernandez, 40 a social media personalities ti naawagan kas resource person iti hearing.
Naimbitaran ti pannakadengngeg dagiti pannakabagi manipud Google, Meta (Facebook), ByTedance (Tiktok), ken dagiti pay opisial ti National Bureau of Investigation (NBI), Philippine National Police (PNP), ken ti Department of Justice (DOJ).
Kinuna ni Fernandez a napateg a matingiting ti panagdengngeg ti pannakaiwaras ti di umiso nga impormasion online ken ti epektona iti pannakaawat ti publiko ken national security.
Mapagsasaritaan pay ti hearing dagiti karit ti regulasion maibusor iti online disinformation ken dagiti addang a nasken nga maipatungpal.
