LA UNION – Kinumpirma ni House Blue Ribbon Committee Chairman Manila Rep. Joel Chua nga awan iti rekord ti aganay 405 a nagan manipud iti 677 a nagan a makunkuna a nakaawat ti confidential funds ni Vice President Sara Duterte.
Daytoy iti inyanunsyo ni Rep. Joel Chua, chairman ti House Committee on Good Government and Public Accountability iti opening statement.
Segun kenni Chua, maibasar daytoy iti sertipikasyon ti Philippine Statistics Authority wenno PSA.
Kinuna ti kongresista, a maibasar iti sungbat ti PSA iti surat ti komite, awan ti “birth certificate” wenno non-existent dagiti 405 a nagan.
Immunan nga imbaga ti PSA nga awan iti rekord ti civil registry, iti Mary Grace Piattos a nakita ti acknowledgment receipts wenno Ars ti Office of the Vice President.
Uray iti nagan a Kokoy Villamin, a nakita met laeng iti AR ti OVP ken Department of Education ket maipagarop a bogus.
Inlawlawag ni Chua a ti isyu maipapan iti CIF ti iturpos da nga umuna.
Kinuna na nga adda pay ti dadduma nga isyu a talantanen ti komite a mangrugi iti sumaruno a tawen.
