LA UNION – Isagsaganan ti pulisya iti kaso kontra kadagiti lima a mangngalap a maipagarup a nangisayangkat iti illegal fishing idiay kabaybayan a sakupen iti Barangay Bani, ili ti Rosario, La Union.
Base iti impormasyon a nakalap ti Bombo Radyo manipud iti Rosario Police Station, naaktuan dagiti suspek nga agkalkalap iti nasao a lugar nga awanan ti pammalubos manipud ti lokal a gobyerno ti ili.
Nakompiskar manipud iti ikotda ti inaramatda a bilog, 25 a kilo iti nakalapanda a lames, ken ti iket nga inaramat dagitoy.
Maipagarup a naglabsing dagiti mangngalap iti Fisheries Code of the Philippines. (Absalom Flores)
